Dr. Stone anime

 

🤓 ကျနော်တို့တွေ တခါတခါ စဉ်းစားမိကြတယ်မလား ... ကျောက်ခေတ်ကိုများပြန်ရောက်ခဲ့ရင် ဘယ်လိုဖြစ်မလဲ ဆိုပြီးတော့လေ .... 

🤓 Okie ... ခုခေတ် လူသားတွေ ကျောက်ခေတ်ကိုရောက်သွားတဲ့အချိန်မှာ ဘယ်လိုတွေ ကြုံရလဲ ... ကျနော်တို့ သင်ကြားထားတဲ့ သိပ္ပံပညာတွေကရော ဘယ်လို အရေးပါလဲ ဆိုတာကို Dr.Stone ဆိုတဲ့ Anime မှာ ကြည့်ကြရအောင် 

🤓 တနေ့မှာ ပုံမှန်လည်ပတ်နေတဲ့ ကမ္ဘာကြီးမှာ ဘာလဲဆိုတာသေချာမသိရတဲ့ စွမ်းအင်တမျိုးကြောင့် လူတွေအကုန် ကျောက်ရုပ်တွေ ဖြစ်သွားကြပါတယ် ... လူသာ ကျောက်ရုပ်ဖြစ်သွားပေမယ့် အသိစိတ်ကတော့ရှိနေသေးတာမလို့ ပတ်ဝန်းကျင်မှာ ဘယ်လိုတွေပြောင်းလဲနေလဲ ဆိုတာကိုတော့ သိနေရပါသေးတယ် 

🤓 Taiju ဆိုတဲ့ ကျောင်းသားလေးက သူ့ crush ကောင်မလေးကို ဖွင့်ပြောမယ်ဆိုတဲ့ စိတ်နဲ့ ကျောက်ရုပ်ဘဝကိုဖြတ်သန်းလာပြီး ( သူလဲ ကိုယ်တွေလို crush သည်သာ အဓိကဘဲ 🥲 ) နှစ်တွေအများကြီးအကြာမှာတော့ သူ့ကိုယ်ပေါ်က ကျောက်တွေ ကွာကျသွားပြီး နိုးထလာနိုင်ခဲ့ပါတယ် 

🤓 သူ နိုးလာပြီး နောက်မှာ သိရတာက သူ့အချစ်ဆုံး သူငယ်ချင်းလဲဖြစ် , သိပ္ပံပညာကိုလဲ အရမ်းစိတ်ဝင်စား တဲ့ Senku က သူ့ကိုယ်ပေါ်က ကျောက်လွှာတွေကို ဖယ်ဖို့ နည်းလမ်းကိုတွေ့ခဲ့ တာဖြစ်ကြောင်းသိလိုက်ရပါတယ် 

🤓 သူငယ်ချင်း ၂ ယောက်ပေါင်းပြီး Taiju ရဲ့ crush ကို ကူညီမယ်အလုပ်မှာ တောရိုင်းသားရဲတွေရန်ကြောင့် ဒီတောကောင်တွေကို ရင်ဆိုင်နိုင်မယ့် Tsukasa ဆိုတဲ့ Fighter တယောက်ကို ကျောက်လွှာတွေအရင်ဖယ်ပြီး နိုးလိုက်ရပါတယ် ( ဒီကျောက်လွှာတွေကိုဖယ်နိုင်တဲ့ ဆေးရည်က နဲနဲဘဲရှိသေးတာကြောင့် ) 

🤓 အဲ့ဒီမှာ ကြုံရတာက scientist တပိုင်း Senku က လူတွေကို ပြန်နိုးအောင်ကူညီပြီး ကျောက်ခေတ်မှာကို တိုးတက်အောင်လုပ်ချင်တယ် ...... ဒါပေမယ့် Tsukasa ကတော့ ချမ်းသာလာရင် လူတွေက ယုတ်မာတယ် .. ဒါကြောင့် နည်းပညာတွေကိုပေးမသိဘဲ ကျောက်ခေတ်လူသားတွေအတိုင်း နေရမယ့် တိုင်းပြည်တည်ထောင်ချင်တဲ့ ဆန္ဒရှိနေတဲ့အခါ ...... 

🤓သူတို့ နှစ်ယောက်ကြားမှာ ဘယ်လိုတွေ ဉာဏ်ပြိုင်ကြမလဲ .... senku ကရော ဘာတွေ ထွင်ပြမှာလဲ ( ကျောက်ခေတ်မှာ Coca Cola ရအောင်ထုတ်တာနော် 😬 ) အပြင် ကျောင်းတုန်းက Chemistry ကို လက်တွေ့ ဘယ်လို အသုံးချရလဲ ဆိုတာ တမေ့တမောကြည့်ရမှာမလို့ .....

​အချိန်ပေးရတာ လုံးဝတန်စေရမယ့် Anime ဇာတ်ကားကောင်းတကားဖြစ်ပါတယ်

p.s ဇာတ်ကားကြည့်ပြီးရင် 100% ဆိုတဲ့ စကားထက် Senku ရဲ့ 10 billion % ဆိုတဲ့စကားကိုပိုပြောမိလာတာမျိုး အထိ ချစ်စရာကောင်းတဲ့ Scientist လေးပါ 💛