Food Part5

 ကမ္ဘာတစ်လွှား ထူးထူးခြားခြား အစားအစာများ (Part - 5)

ဟိုးအရင် အပတ်တွေက ထူးထူးခြားခြား အစားအစာတွေအကြောင်းကို ပြောပြလာခဲ့တာ မှတ်မိကြသေးလားမသိဘူး‌ဗျ။ အခု‌‌ဆိုရင် ထူထူးခြားခြားအစားအစာ အပိုင်း ၅ ကို ရောက်ရှိလာခဲ့ပါပြီ။ ဒီနေ့မှာတော့ တရုတ်ပြည်က ရိုးရာ အစားအစာလေးတစ်ခုအကြောင်းပြောပြပါမယ်။  

ဒီအစားအစာလေးကို ပြုလုပ်ပုံက နည်းနည်းတော့ ထူးဆန်းသလို ကြားလိုက်ရင်လည်း ပြုံးမိသွားနိုင်တယ်ဗျ။ အစားအစာလေးရဲ့အမည်က "Virgin Boy Eggs" ပါ။ တစ်မျိုးမတွေးပါနဲ့ဦး မြန်မာလိုက "လူပျိုရဲ့ သေးနဲ့ ပြုတ်ထားတဲ့ ကြက်ဥ" ပါ။ ကဲ ကျွန်‌တော်ပြောသလိုပဲ ထူးဆန်းတယ်မဟုတ်လား။

ဆီးတွေကို စုဆောင်းထားပြီး ကြက်ဥပြုတ်တဲ့ နေရာမှာ ရေအစား ဆီးကိုထည့်ပြီးပြုတ်ကြပါတယ်။ ကြက်ဥလေးတွေအနည်းငယ်ကျက်လာပြီဆိုရင် အခွံလေးတွေကို အက်အောင်ပြုလုပ်ပြီး လူပျိုဆီးထဲမှာ ထပ်စိမ်ထားပါတယ်။ ဆီးတွေ ကြက်ဥထဲ စိမ့်ဝင်သွားအောင်ပါ။ အဆိုပါကြက်ဥ‌‌ကိုစားမယ်ဆိုရင် အနံ့အားဖြင့် ပျင်းပေမယ့် အရသာဟာ နူးညံ့ပြီး အနည်းငယ် ငံတယ်လို့ဆိုပါတယ်။

ဒီ ကြက်ဥကိုစားရင် ကျန်းမာရေးအကျိုးကျေးဇူးတွေရနိုင်တယ်လို့လည်း ယုံကြည်ကြပါတယ်။ အပူအပုတ် ကင်းရင်းပြီး အပူရှပ်တာကနေလည်း ကာကွယ်ပေးသလို သွေးလှည့်ပတ်မှုလည်းကောင်းစေတယ်လို့ ဆိုပါတယ်။ 

ဒီကြက်ဥကို ဝယ်စားမယ်ဆိုရင်တော့ ရိုးရိုးသာမန်ကြက်ဥထက် နှစ်ဆလောက်သာရှိသောဈေးနဲ့ ဝယ်ယူသုံး‌ဆောင်နိုင်ပါတယ်။ 

ဒီအကြောင်းအရာလေးကို ဖတ်ပြီးဗဟုသုတရသွားမယ်လို့‌မျှော်လင့်ပါတယ်။ နောက်လည်း ထူးထူးခြားခြားအစားအစာလေးတွေအ‌ကြောင်းကိုမျှဝေပေးမှာမို့ ပုံမှန်လေးကလစ်နှိပ်ရင်း ဖတ်ရှုပေးကြပါဦးနော်။